Bokengi

Bakeli mibeko basengi bolukiluki ya makasi mpo na likama lya ba hélicoptères ya FARDC

Ba soda ya Monusco ya bataillon ya Inde bamemi moto moko ya mpasi ntango ya bitumba ya ya ba M23 na Kwanja, Nord-Kivu, 14 aout 2012.

Commission Défense et Sécurité ya Assemblée nationale, eye ekambami na Jaynet D. Kabila, lipasa lya mokonzi ya kala Joseh KJabila, esengi na mbulamatari kosala enketi ya makasi mpo likama ya ba hélicoptères mibale ya mampinga ya RDC (FARDC) mposo moleki na nzela ya Mambasa-Kisangani,

Na liyebisi na yango, Commission Défense et Sécurité eleli "liwa lya mbalakaka ya basoda sambo ya FARDC na makama mabale malandamaki na nzela ya Mambasa-kisangani, le 30 mpe le 31 décembre 2020."

Jaynet D, Kabila nde atie manzaka na liyebisi lyango.

"Mboka na biso ewuti kobungisa ba pilotes ya basoda banei bazwaki diplôme nsima na malakisi ya milayi mpe ya ntalo na misala mya komema mpepo mpe expériene emonisama eye ekolo na biso elukaka na eye esalaka mpo na kokomisa sika mampinga ma biso malikolo," ekomi Jayent D. Kabila na nkombo ya Commission.

"Yango Commission Défense et Sécurité esengi na mbulamatari ya ekolo komema pole na lombango na nzela ya boluki ya bozindo mpo na ndenge ya mpasi makama mabale maye masalamaki mpe mpo na makama masusu mpepo ya ba FARDC esali mikolo miye," elobi liyebisi lya Commission.

Bakeli mibeko baye balobi makama maye mapesi libaku ya kokanisa basoda banso ba mpiko bakufa na bitumba bisika binso bazalaki kosalela bendele ya ekolo.