Bato koleka tuku mibale bakufi nsima na kake kokweyisa singa ya lotiliki na nse ya mpela na Kintele, Congo-Brazzaville.
Banzeneke bayebisi ete npela ezalaki makasi te kasi kake nde ekataki singa ya haute tension.
Kolanda maloba na bango, bato mingi bakufi ntango bakita na lompango koluka kolongola libota liye likangamaki na courant kati na mayi, kasi mingi bakweyaki mpe bazokaki. Misusu bakufaki, elobi na correspondant ya VOA Lingala, moko na bavandi ya quartier yango na Kintele.
Bakonzi bakitaki na esika yango, lokola Ministre ya yambo Clément Mouamba na mbulamatari na ye mpe Maire ya Kintele Stella Sassou N’Guesso.