Bato motoba bazoki makasi ntango bakangami bamekaki kokima na boloko bonene ya Kasapa, na Lubumbashi, na Haut-Katanga, elobi bayi bokengi.
Kolanda rapport moko ya bayi bokengi, bato baboloko batiaki moto na ndako nzike mpe bampunza biloko ntango bamekaki kokima.
"Bato motoba bazoki makasi, biloko bibebisami mingi: bâtiment administratif etiamki moto na biloko binso; bakiti mpe mikanda minso; moto motiamaki na ndako ya kobomba biloko eye epesamaki na MONUSCO mpe bilei bizwamaki kuna bipunzamaki," elakisi mokanda ya bokenki bapanzi sango baike bazwaki.
Police, mapinga mpe misala mya bokengi ekitaki na esika yango mpe ezongisaki kimya.
Bililingi bizali kotambola na ba réseaux sociaux kolakisa moto na boloko mpe nzoto ya bato na mabele.
Mwa ntango yambo na yango, ONG Justicia ASLB esakolaki na ba reseaux sociaux ete bato ba boloko bazalaki komeka kokima mpe masasi mabetamaki.