Koleka bato 14 bakufi ntango motuka monene motutaki mituka misusu mpe baleki nzela mpo na nkwokoso ya frien dimanche na nzela ya Bypass na Mont-Ngafula, naKinshasa, kolonda motango mopesami na bakonzi.
"Kino sik’oyo, ezali na bawei 14 mpe bato ebele bazoki. Tokoki kokoma na bato 30 baye bazoki," eyebisi ministre ya bokolongono, Dr. Eteni longondo na Clinique moko pene na esika ya likama.
Mokumbi ya camion-benne moko akokaki lisusu te komema motuka yango ndenge esengelaki na ngomba pene na campus ya université ya Kinshasa (Unikin), etatoli banzeneneke.
"Camion yango ezwaki likama ya frein mpe etutaki mituka mwambe. Bato bakufi mingi mepnza," elobi na AFP moko na banzeneneke, Yasmine Lutonadio.
AFPTV emonaki pene na mituka motoba minyefulami.
Police esakolaki ete pene na bato 41 nde bazoki.