Bokolongono

Bopesi manwela ya Ebola bozali kokende malamu na Equateur (Ministre)

Monganga azali kopesa mangwele ya Ebola na mwana moko na Goma, Nord-Kivu, 5 aout 2019.

Mangwele ya Ebola mazali kopesa na bavandi ya etuka ya Equateur, mingi mingi ya Mbandaka, engumba mokonzi, epayi wapi bokono boye bozongeli wuto mposo moko.

"Na lisungi ya baye toyokanaka na bango, mangwele mazali kopesama wuto mokolo mwa mitano. Bata ba yambo bapesameli yango bazali baye bapesaka lisali ya bokolongono, baye bazalaki nzinga nzinga na bakoni mpe baye bazalaki pene pene na bango," elobi ministre Dr. Eteni Longodo wuto Mbadaka na AFP.

Mangwele 1.500 nde mazali kasi bakonzi ba bokolongono basengaki 8.000 misusu, ebaki Dr. eteni.

"Bato mingi bazali koya mpe balingi bazwa mangwele," eyebisi Dr. Longondo.

Bato 12 bayebani kozwama na Ebola na Equateur wuto ezongeli. Bato motoba basibakufi. 11 na Mbandaka mpe moko na Bikoro.

Ezali mbala ya 11 nde Ebola ebimi lisusu na RDC.

Wuto koleka mibu mibale, Ebola ezali kongala na monyele ya mboka epayi wabi bato 2.280 bakufi.

Soki mobeli ya sika azwami te Ebola na monyele ya RDC kino ke 25 juin, bakonzi bakosakola ete bokono bwango bosili kuna.