Bokengi

Boyokani ya Angola na RDC bokolakisama na botamboli ya mpepo ya bitumba vendredi na Kinshasa (FARDC)

Le président congolais Félix Tshisekedi, à gauche, salue son homologue angolais João Lourenço à Luanda, Angola, le 5 février 2019. (TwitterPrésidence RDC)

Mapinga ya RDC masengi bana ya mboka kozala kimya ntango mpepo ya mampinga ya Angola mpe eye ya RDC ekotambola na mapata ya mboka o’mokolo mwa mitano. Ekozala elombo ya boyokani bosamalaki o'libandela lya mposo, elobi molobeli ya mampinga, général-major Léon Richard Kasonga.

"Tokomona na mapata ya Kinshasa mpepo ya bitumba ya RDC mpe eye ya ekolo Angola kopumbuka mpe kokita o'libanda lya mpepo ya N’Djili na ntina ya kosepela mpe kokumisa boyokani bolamu kati na mampinga ma likolo ma bikolo-ndeko mibale," ekomi na liyebisi gén-maj Léon Richard Kasonga.

Yango ezali, kolanda maloba ya gén-maj. Kasonga, elembo ya liyebisi lya boyokani bakonzi ba bikolo bibale (Angola na RDC) batiaki manzaka o’libandela ya mposo na Luanda.

"Bokeseni bwa liyebisi lyango livandi kati na bondimi bwa mboka mibale ya koyokana mpe komisalisa ntango inso. Liyebisi lyango likomonisama o’mokolo mwa mitano le 20 novembre 2020 na bokutani na likolo, elongo, ya mpepo ya bitumba ya bikolo na biso mibale," ebeti mokoloto gén-maj. Kasonga.

FARDC ekundoli mpe boyokani bolamu bozali na yango na bikolo misusu lokola Amerika, France, Afrika ya Ngele, Egypte mpe misusu.

Gén-maj. Kasonga alakisi ete tata moknzi Félix Tshisekedi azali kosala makasi mpo na komatisa lisusu mampinga mamboka na nzela mingi.

O’libandela ya mposo, président Tshisekedi akatisaki Luanda mpe asengaki mokokani wa ye Joao Lourenço lisungi na ye na matata mazali ba RDC.

Lisungi asengaki lizali na nzela ya bokengi, politiki, maye bikolo ya bapaya mpe mampinga.

Lisengeli lizala mpe mpo na matata na etuka ya Grands lacs.