Bosembo

Carine Lokeso na ba policers basusu bakatelami boloko ya mibu zomi mpo na bobomi ya Rossy Mukendi

Ba policiers na mituka na Kinshasa, 12 janvier 2019.

Commissaire Supérieure adjointe ya police ya Kinshasa, Carine Lokeso akatelami misala makasi ya libela na mibu zomi ya boloko miye mikoki kokitisama te na bosambisami mpo na bobomi ya mobundi ya makoki ma bomoto Rossy Mukendi Tshimanga.

Carine Lokeso alongolami mpe na police na ekateli epesamaki na bazuzi ya basoda lelo na bosambisami na boloko ya basoda ya Ndolo.

Carine Lokeso asambaki mpo na kotinda ba policiers azali kokamba mpe kobuka mibeko ya bakonzi. Nzokande Brigadier Gérard Tokis Nkumbo oyo abetaki lisasi na Rossy Mukendi Tshimanga mpe azwi etumbu ya lolenge moko wana.

Garde du corps ya Carine Lokeso, APG Franco Bivuala apesami mpe etumbu ya mibu zomi ya boloko ata akima. Bazuzi mpe bakateli ba policiers baye banso na l’Etat ya Ekolo Congo démocratique lomande ya dollars nkoto nkama moko na zomi na mitano to 115.000 dollars na ba parties civiles mpo na mbeba mpe ba interets.

Basambeli ya Carine Lokeso balobi bakosenge bozongeli ya kosambisama. Ezalaki bongo bosambisami ya kozongela.

Rossy Mukendi, moko na babundi ya bomwana mboka akufaki na lisasi parassoie St Bénoit na Lemba, na Kinshasa, na milulu mpo na kosenga maponami na 2016 mibengisamaki na Laïcs catholiques.