"Tokoki koloba ete ezali na mobulu ya mayele (trouble mental) ebakisami na stress (mitungisi) ezongaka mbala mingi," ekomi minganga minei na mokanda motindami na procureur général Yves Mwepu Ilunga oyo asengaki na CNPP examen ya Ne Muanda Nsemi le 24 avril 2020, mokolo ya bokangami na mokambi oyo ya BDM.
VOA Lingala emonaki mokanda mwango.
Minganga baye ya CNPP (Centre neuro psycho pathologique, lopitalo ya bokono ya moto to bongo) ya Université ya Kinshasa bayebisi ete basalaki misala mibengami auto mpe hétéroanmnèse, basalaki mpe Ne Muanda Nsemi examen neuropsychiatrique approfondi, mpe batali kino sika na ba examens misusu ya bozindo kati na yango scaner.
Police mpe misala mya bokengi bakangaki Ne Muanda Nsemi le 24 mai.
Ne Muanda Nsemi afundamaki na kobebisa kimya na mboka, na kozanga kotosa mitindo ya komibatela mpe kobatela basusu na COVID19 mpo azali na lopango na ye na balandi koleka 200.
Balandi baye basalaki milulu na Kinshasa mpe na Kongo central mpe bazalaki kosenga bapaya banso kotika etuka ya Kongo central.
Bato bato bazalaki kokufa ntango mingi milulu ya balanid baye bazalaki kosala na bitumba na bayi bokengi.
Bundu dia Mayala ezali eteni ya ngambo ya politiki ya lingomba Bundu dia Kongo oyo etalaka mingi bokoko mpe biymba ya Royaume Kongo ya kala.