Nkita

Congo-Brazzaville ekokamba Opep na 2022

Mohammed Barkindo (G). Kalaka mokonzi ya Opep (Mabongisi ma bikolo bibimisaka pétrole) na Ministre wa Yambo ya Congo-Brazzaville Anatole Collinet Makosso na bokutani na Brazzaville, Congo, 23 août 2021. (Twitter/Primature du Congo)

Congo-Brazzaville ekokamba Opep, mabongisi ma bikolo bibimisaka pétrole, na 2022, esakoli kalaka mokonzi ya mabongi maye, Mohammed Barkindo.

Mohammed Barkindo azali na mobembo mwa ye na Brazzaville epayi akutani na bakonzi ba mboka.

Congo-Brazzaville ezali mboka ya minei ebimisaka pétrole na Africa nsima na Nigeria, Angola, mpe Guinee équatoriale.

Bikolo biye bizali kati na Opep eye esangiaka bikolo mingi misusu bya Afrika, Amerika mpe ya Asie lokola Algérie, Gabon, Iran, Iraq, Koweït, Libye, Arabie saoudite, Emirats arabes unis, Venezuela, Equateur, Indonésie mpe Qatar.