Misala mizongi na Kolwezi, engumba mokonzi ya etuka ya Lualaba nsima na mikolo mibale ya botelemisama mpo na kopekisa bokoti mpe bopanzani bwa coronavirus ya sika.
Mokambi ya etuka ya Lualaba, Richard Muyej akundoli ete mikolo mibale miye mitiyamaki mpo na kopesa nzela na misala ya kokengela mpe kolandela bitumba na COVID-19.
M. Muyej ayebisi mpe ete ezalaki mpo na koluka mpe kozwa bato banso bawuta Kinshasa epayi bokono to pandemie eye esikotaki mpe ebandi kosala mbeba.