David Blattner, directeur général ya société SAFRICAS abandi kosamba na Tribunal ya Grande instance ya Gombe na Kinshasa mpo na bopengwisami ya misolo pene na ba millions minei bipesamaki mpo na kotonga ba sauts de mouton minei.
Bazuzi bandimi kopesa basembeli ya M. Blattner mposo mibale mpo ete batanga mikanga ya maloba mpe bilembo client na bango alobaki mpe apesaki na parquet ya Cour d’appel ya Matete ntango ya mituna.
Bosambisami bwa ye botelemisa mpe bokozengela le 1er juin.
David Blattener azali kosamba elongo na DG ya OVD (Office de voiries et drainage), Benjamin Wenga.
Nzonkande ONG ACAJ (Association congolaise pour l’accès à la justice) elobi ete bosambisami bwango bosengelaki boleka na télévision lokola oyo ya Vital Kamerhe, mokambi ya kala ya ndako ya misala ya président Félix Tshisekedi oyo azali kosama wuto mposo moleki mpo na kopendwisa misolo misusu.