Bosembo

Enquête mpo na liwa lya elenge mwasi Merveille Bazonsela police ebetaki mpo na bozangi masque na Mboueza

Ba policiers bazali kokengela bato na Brazzaville, 4 avril 2016.

Procureur ya république ya tribunal ya grande instance ya Madingou na Cour d’appel ya Dolisie (Congo-B.) asokoli ete afungoli bolukiluki mpo na liwa lya Merveille Bazonzela nsima na ba policiers kokanga mpe kobeta ye mpo bozongi masque.

Procureur ya république Roussel Casimir Makaya alobi ete police judiciaire ya ba départements ya Bouenza (SPJB) esili ebandaki. Bato banso bakanisami na kozala liwa lyango bakangami.

"Basali banso ba l’Etat ya botyami bwa alima baye balakisami misapi lokola bango nde babetaki elenge mwasi Bazonzela Bouana Merveille kino akende na liwa basimbami na esika ya kobombama mpe na maboko ma misala mya bosembo. Bolukiluki efungwamaki liboso ya magistrat instructeur ya tribunal ya grande instance ya Madingou oyo atatabani te mpo na kofungola bolukiluki," eyebisa Roussel Casimir Makaya, kolanda baninga ba Congo Media Time.

Misala mya hygiène mitali malamu nzoto ya mowei na ntina ya koyeba soki kufa na ye ewutaki na nini.

Parquet ya Madingou nde etindaki yango.

Kolanda M. Makaya, bayi libota lya elenge Bazonzela, banzeneneke mpe bayi police bakoyanola na bolukiluki bwango.