Bosembo

Etumbu ebandi na liwa kino mibu 12 ya boloko esengami mpo na bakangami na koyiba bacornières ya SNEL

Mwasi moko na mwana na ye bazali kotambola na nse ya pylônes ya ba singa ya lotiliki oene Mbanza-Ngungu, RDC, 25 décembre 2018.

Ministère public esenge etumbu ebandi na liwa kino na mibu 12 ya boloko mpo na bato mwambe bazali kosambisama na likambo ya kokata mpe koyiba ba cornières (bibende) ya ba pylônes ya SNEL.

Bazuzi bakoti kinzozi mpe basakoli kopesa ekateli na bango o’mokolo mwa mibale le 29 décembre 2020 na boloko bonene ya Makala epayi wapi bosambisami bwango bozali kosalama.

Ministère public esengi etumbu ya liwa, etumbu ya makasi koleka, mpo na bato batano kati na bafundami.

Bato batano baye bayibaki mpe mpe babebisaki biloko ya SNEL, elobi Ministère public.

Mpo na basi to bamama basato, ministère esengi mibu 12 ya boloko mpo babombaki to basombaki bibende biye biyabamaki.

Bakangami banso balobi bayebi likambo moko te mpe basengi botikami na bango.

Ba pylônes mingi ya SNEL ekweyaka mpo na moyibi.

Na sanza ya zomi ya mobu mobu moleki (octobre 2019), pylône moko ekweyaki nsima na moyobi ya bibende na yango na quariter Kimpoko na Maluku na Kinshasa yango ezangisaki lotiliki na bato baike.