RDC

Germain Katanga moko na babundi ya Ituri abimi boloko

Général Germain Katanga na tribunal militaire ya Kinshasa, le 3 février 2016.

Germain Katanga, moko na bakambi ya mangomba ya basimba minduki ya Ituri, abimi boloko na Kinshasa.

Mokambi ya FRPI (Forces de résistance patriotiques en Ituri) aboyi koloba likambo nsima na bobimisami na ye na boloko na Kinshasa lundi.

Atiamaki na boloko na Kinshasa na nsima na bobimisami bwa ye ya CPI (Cour pénale niternatinale) na Haye mpo na mibu 12 ya etumbu. Abimaki na CPI na le 16 janvier 2016, mpo na ezaleli na ye malamu na boloko ata mibu motoba mitakalaki.

CPI ekatalaki etumbu mars 2014 mpo na mbeba ya bitumba mpe ya bomoto mpo koluka koslisa bato na mboka Bogoro na bitumba bimemami liwa ya bato 200 ma 2003. Etumbu yango ekwayaki ntango asalaki mibu motoba na boloko na Haye. Kasi bakonzi ya misala ya bosembo bakangi ye.

Atiayamai général ya mampinga ntango bitumba ya Ituri bisilaki, yambo na bokangami na ye.

Abimisami sik’oyo na boloko nsima lingomba na ye, FRPI kosala boyokani na mbulamatari, mposo mibale mileki, na Ituri mpo na bozongi na kimya.