Politiki

Kabila azongi Lubumbashi nsima na mobembo na Abu Dhabi na bikolo bisusu bya Afrika

Mokonzi ya kala ya RDC Joseph Kabila azali kosolola na mokonzi ya kala ya Namibie Sam Nujoma na matanga ya mokonzi ya kala ya Zibambwe Robert Mugabe, na Harare, 14 septembre 2019.

Joseph Kabila, mokonzi ya kala ya RDC, azongi mboka na nzela ya Lubumbashi nsima na mobembo ya pene mikolo 10 asali libanda.

"Azongi mboka solo. Asali mobembo na mboka mingi kasi ealaki mingi mpo na makambo ma ye moko," elobi moko na basungi baye.

Joseph Kabila akendaki yambo na Emirats Arabes unis, na Abu Dhabi epayi wapi azalaki na likindo litali mingi bokengi. Azalaki mpe na Dubai.

Nsima na Emirats, mokonzi ya kala ya RDC akitaki na Tanzanie epayi wapi ayambaki na boko bayi mbulamatari. Akutanaki mpe na mokonzi ya kala Jakaya Kikwete.

Président ya Tanzanie, John Magufuli akoki te kokutana na ye mpo akangami na ndako na ntina ya COVID-19.

Zimbabwe nde ezallaki etapi ya nsima. Kuna azalaki na elambo na mokonzi ya mboka Emmerson Mnangagwa.

Asukisaki na Zambie yambo azango na Lubumbashi.

Mobembo mwa ye mosalaki nsima na mbulamatari kolongola ba soda ba garde républicaine mpe kotia na esika na banga ba policiers.