Bazuzi basakoli ete M. Kamerhe azwi etumbu ya mibu 13 ya misala makasi na bosambisi ya bozongeli mpo na bopengwisi misolo mizalaki mpo na kotonga ndako ya basoda na ba policiers mpo na mikolo nkama mya bokonzi ya président Tshisekedi.
Akatelamaki yambo, mibu 20 ya misala makasi bakisa zomi ya bopekisi makoki ma politiki, na juillet 2020.
Basambeli ba M. Kamerhe babimaki na audience elekaki yambo na ekatelami mposo bazuzi baboboyaki bosenga ya mwana ya nkasi na ye.
Bazuzi bakateli nde Samih Jammal, mkolo compagnie ya botongi azwaki misala myango, mibu motoba mya misala makasi.
Jeanot Muhima, mosali ya présidence azalaki na mokumba ya Import-Epxort nde azwi mobu moko.
Bafundamaki mpo na kopengwisa pene na 50 millions ya ba dollars.
Kasi bafundami balobaka ndako mingi ezali libongo ya Lobito na Angola to ya Dar es Salam na Tanzanie mpe mbulamatari ya RDC eboyaka kozwa yango.
M. Kamerhe abelaka wuto akangamaka.