Léon Kengo Wa Dondo, mokambi ya kala ya Sénat ya Congo démocratique abimi hôpital na Bruxelles, na ekolo Belgique, eyebisi boko ya baye nzinganzinga na ye.
Moko ya libota na ye alobi ete minganga basalaki ye lipaso.
"Ezali likambo ya makasi te. Nsima na opération azongi na ndako. Azali nzoto malamu. Ezlaki opération esengelaki esalama banda kala. Kasi azali kozwa ntango te," eyebisi na VOA Lingala moko ya libota.
Kengo Wa Dondo, moyi pilitiki ayebani mingi, azali na mibu tuku mwambe na minei.
Azalaki Premier ministre pene na mbala motoba na ntango ya président Mobutu Sese Seko.
Azalaki mpe procureur général ya cour d’appel na Kinshasa, mpe ambassadeur ya Congo démocratique na Bruxelles.
Akambaki Sénat ntango molayi, mandat mibale ya milayi, na bokonzi ya Joseph Kabila.