Bokengi

Mali : basoda bakangi président mpe PM ya transition kasi bakonzi bamolongo batelemeli "coup d'état"

Président ya transition ya Mali Bah Ndaw na milulu mya bopesameli ye bokonzi na Bamako, 25 septembre 2020.

Bayi mampinga bakangi président mpe Ministre wa Yambo ya transition na Mali, lokola basalaki yango mobu moleki na président Ibrahim Boubacar Keita. Bayi molongo batelemi bango.

Basoda baye batomboki nsima na bobimisami ya mbulamatari ya sika,

ONU, mabongisi mingi ya Afrika, lokola mpe France, Etats-Unis na bikolo misusu batelemeli bomeki bonso ya kosala coupe d’état.

Président ya transition atiamaki nsima na bokweyisami ya IBK, Bah Ndaw, na Ministre wa Yambo Moctar Ouane bamemamaki lundi na basoda na camp ya basoda ya Kati, libanda ya Bamako elongo na bsaungi ba bango basusu.

Ezali na camp yango, nde bayi mampinga basakolaki le 18 août 2020 bokweyisami ya IBK.

Bakonzi babikolo bya molongo balobi baboyi bokweyisami bonso ya mbulamatari ya transition na bayi mampinga.

Mission ya ONU na Mali (Minusma), Cédéao (lisanga lya bikolo bya Afrika ya west), Union africaine, France Etats-Unis, Royaume-Uni, Allemagne mpe Union européenne babisimi liyebisi mpe basengi bitakami sik’oyo na bozangi bosengi ya président mpe Ministre wa yambo ya transition.