Bokutani ya Donald Trump na bapanzi sango mpo etali COVID19 bokanaki mwa ntango moke nsima na masasi kobetama na Maison Blanche, na Washington.
Président Trump abimisamaki na mbalakaka na ekuke ya nsima ntango azalaki na bokutani na bapanzi sango.
Masasi mabetamaki na etando ya Maison Blanche, ndako ya mosala ya M. Trump.
"Bayi bokengi (Secrete Service) babeti moto moko masasi. Emonani lokola ezali moto bakinisi ete alingaki kosala mabe. Bamemi ya lopitalo," elibombali M. Trump nsima na kozonga esinga bapanzi sango batikalaki.
M. Trump alobi ete ayebi te soki moto yango azali nani.
Na motuna ya koyeba soki moto yango azalaki na monduki, M. Trump alobi "iyo".
"Na oyo nasosoli, eyano ezali iyo," elimboli M. Trump.