Bokengi

"Bandeko bakeli mibeko ba Grand-Kivu, bobima na mangomba ya basima minduki!" (Prés. Ass. Nat. Mboso)

Christophe Mboso Nkodia Mpuanga, mokambi ya sika ya ndako ya bokeli mibeko na RDC, na photo ya le 8 décembre 2020, na Palais du peuple, Kinshasa

Mokambi ya Assemblée nationale, Christophe Mboso asengi na bakeli mibeko baye bazali na mangomba ya basimba minduki kotika masanga maye. Yango eyano apesaki na milulu bakeli mibeko basalaki na ndako ya bokeli mibeko mpo na kosenga kimya na monyele ya RDC.

"Nakosenga bino bandeko, bobima na mangomba ya basimba minduki. Bino bandeko ya Kivu, bandeko ya Grand-Kivu, bobima na mangomba ya basimba minduki!" ezongiselaki M. Mboso na bakeli mibeko bazingaki ye mpo kosala makalele.

Na ndimbola apesi, mokambi molandi yay ambo ya Assemblée nationale (1er V-P), Jean-Marc Kabund alimboli ete M. Mboso alingaki nde kobenda matoyi ya bakeli mibeko kasi atangi kombo ya moto te.

"Nakolebla bino te awa makambo misala mya bokengi bayebisaka biso, ata mpe bikolo bya poto mpo etali makambo mabokengi na est. Mbela ya président Mboso ezali likolo ya kolakisa mosaki na bato songolo," elobi M. Kabund.

Mpo na M. Kabund, mbela yango elingi mpe kolaba ete Bureau ya Assemblée nationale ekokotela ata moto moko te soki abengi na misala mya bokengi to misala mya bosembo mpo na azalaka na basimba minduki.

Mobu moleki, moko na bakeli mibeko akatelamaki etumbu nsima na kosambisama na kozala na mangomba ma basimba minduki.