Lambert Mende, molobeli ya kala ya gouvernement, apameli kaniaka nsima na kokweyisama na maponami mpo na mokambi ya etuka ya Sankuru. Joseph-Stéphane Mukumadi, candidat indépendant oyo Mendee atemelelaki nde alongi.
M. Mukumadi azuwi 17 voix likolo ya 25.
Mpo na M. Mende, UDPS (Union pour la démocratie et le progrès social), lingomba ya mokonzi ya mboka Félix Tshisekedi nde ezalaki nsima na elonga ya M. Mukumadi.
"Independant ya wapi? Ezal UDPS! Na sukisi na kolba ete kaniaka nde ezali kovandisama na ekolo eye…," elobi M. Mende.
Moko ya baye ya lingomba FCC (Front commun pour le Congo) eye ezali nsima ya mokonzi ya mboka ya kala Joseph Kabila, mpe mokambi ya CCU-A (Convention des Congolais unis et alliés), lingomba na ye moko, Lambert Mende alobi akokende te komona bazuzi mpo na kotelemela bilembo ya maponami maye.