M. HAmmer ayambaki jeudi ngambo mibale ya bakambi ya biyamba baye bazali koyokana te na kopona motambwisi ya CENI (Commission électorale nationale indépendante) ya RDC, ndenge mobeko epesa biyamba makoki.
"Etats-Unis elingi maponami masalama mpe mazala maye mandimama na banso, na bonsomi ya bato mpe pole, na 2023, kolanda Buku likonzi ya RDC. Mpe tozali awa lokola mboka ya bondeko malamu na RDC eye elingi kopesa maboko na makasi ma mbulamatari ya koyikisa makasi na démocratie ya Congo. Nasepelaki na koyekola ndenge misala mizali kosalema na ntina ya kopona motambwisi ya sika ya CENI, likambo ya kosala na lombango mpenza mpo tolingi te ete ntango eleka. Bato banso bandimi ete esengeli kozala na maponami masalemi malamu na 2023," elobi M. Hammer nsima na bokutani na bakambi ya biyamba motoba.
Bakambi biyamba motoba bakutani mpe o’mkolo mwa mitano na ntoma ya France, Jean-Marc Châtaigner, mpo na yango.
Ntoma ya France alobi ezali ye te, to ba ntoma ya bikolo bya bapaya nde bakokata likambo kasi asengi bakambi ba biyamba kozonga na bwanya lokola mpe bakambi ba ekolo.