RDC

"15 millions $": Tshisekedi asololi na mokambi ya IGF kasi abwakisi nanu Kamerhe te

Mokonzi ya mboka Félix Tshisekedi apesi mokambi ya misala ma ye Vital mbote, na bolongwi na ye mpo na kokende Dar-es-Salam, Kinshasa, 16 août 2019. (Facebook/présidence RDC)

Président Félix Tshisekedi ayambi mokambi ya Inspection générale ya finances (IGF) mpo na likambo ya 15 millions $ oyo ezali komonana te, kasi abwakisi naino te dircteur ya cabinet na ye Vital Kamerhe, oyo atangami mpo likambo yango, eyebisi molobeli ya mokonzi ya RDC, Kasongo Mwema Yamba Yamba.

"Insepecteur mokambi ya IGF (Victor) Batubenga oyo akanisi ete bakanaki ye (RFI) akutani ntango molayi na masolo na PR (président). Na koluka kobatela mosali moye monene ya l’Etat, @fathsi13 (Félix Tshisekedi) ayoki ye mpe akitisi ye motema mpe apesi ya makasi," ekomi Kasongo Mwema na compte Twitter na ye.

Mpo na Kasongo Mwema, Felix Tshisekedi azali koloba eloko te mpo likambo yango lisili limemamaki liboso ya procureur ya republique.

"Likambo libengami ya '15 M' : Lokola IGF epesaki dossier na misala ya bosembo, PR (président) akoki lisusu te koloba likambo mosusu. Ezali mpo na soni ? Te, kasi mpo na kotosa mibeko ya democratie," ekomi Kasongo Mwema.

"Nzokande, VK (Vital Kamerhe) abwakisami nanu te epayi ya @fatshi13," ebeti sete molobeli ya président Félix Tshisekedi.

Mpo na Kasongo Mwema, "likambo liye elakisi ete démocratie ekoti makasi na RDC".

"Lobi, esaleli ya konyokola mpo na bokengi, ANR, oyo ebimisi likambo yango, ekomi nde lisungi ya bokengeli misala ya l’Etat. Yango nde Etat de droit," etie mokoloto Kasongo Mwema.