Rwanda

Mokambi ya mampinga ya Rwanda akutani na Tshisekedi na Kinshasa

Your browser doesn’t support HTML5

Mokambi ya mapinga ya Rwanda akutani na Tshisekedi na Kinshasa

Général Patrick Nyamvumba, Mokambi ya mapinga ya Rwanda, RDF, alobi ete ayaki kopesa losako mpe longonya na président Félix Tshisekedi nsima ya boyambami na Cité ya Union africaine na Kinshasa.

Akoutani na mokonzi ya RDC vendredi na mpokwa, elongo na mokokani na ye, mokambi ya mampinga ya FARDC, Lt-Gén. Célestin Mbala.

"Toyaki kosepa losako na mokonzi ya mboka mpe kotonda ye na bokasi FARDC ezali kosala mpe na boyokani kati na mampinga ya bikolo na biso babale mpe kopesa ye mpe lisusu losako ya mokonzi ya ekolo Rwanda (Paul Kagame)," elobi général Nyamvumba.

Ngambo na ye, Lt-Gén. Mbala ayebisi ete bikolo mibale baye bizali nzinga nzinga esengeli bakomisa lisusu boyokani makasi mpo na kobatelema mpe kokolisa boyokani kati na mampinga ya bikolo babale baye.

Lt-Gen Mbala alobi ete yango nde ekokitisa mitema mya bana ya bikolo babale mpo na oyo etali kimia mpe kosilisa bozangi bokengi mpe ekopesa nzela na ntombwa na région eye mobimba.

Rwanda na RDC bazalaki komikebisa. Kasi bakomi komipusa pene pene banda mokonzi ya sika Félix Tshisekedi akotaki na bokonzi nsima ya maponami ya le 30 décembre 2018.