Ba media ya USA nanu bamoni te soki nani alongi ba états motoba: Alaska, Arizona, Georgia, Nevada, Caroline du Nord mpe Pennsylvania.
Mercredi, ba media bamonaki été Biden alongi na Michigan mpe Wiscosin, ba états mibale Trump alongaki na maponami ma 2016.
"Naye awa te kosakola ete tolongi. Kasi, naye awa koloba ete ntango botangi bokosila, tokanisi tokozala balongi," elobaki M. Biden o'mokolo mwa misato na mpokwa.
Biden akoki kozwa baponi banene 270, motango mosengeli mpo na kolonga maponami soki azwi Arizona na Nevada.
Kolanda ndenge Collège électoral ya Etats-Unis esalaka, maponami ma bana mboka nyono ya état moko na moko -longola Maine na Nebraska- mazwaka boponi bwa baponi banene ya état yango, boponi bwango bosengeli kolanda population.
Ba états basakola te molongi yambo na maponami manso matangama, kasi ba media bapesaka makanisi ma yango kolanda maye bazali komona mpe balobaka nani akokikolonga na kotala bilembo moke bitikali mpo na kotangama na état moko moko.
Biden azalaki mpe libobo na maponami ma bato banso na motango ya 71,6 million, jeudi na ntongo. Trump azalaki na yango 68,1 millions kolanda Edison Research mpe Associated Press.
Lokola bato baponaki mingi mpenza, bilembo binso bikoki kotangama na 2020 bikoki kokoma 150 million to koleka na Etats-Unis mobimba.
Mzokande, Trump akoki mpe kolonga soki azwi ba états nyonso bisika Biden azali liboso,
Président ye mpe azali liboso pembeni nae longa.
Na Pena ba états misusu kasi esengeli botangi bosila : Pennyslvania, Georgia, Caroline du Nord mpe Alaska. Soki Trump aleki bisika biye, ata akweyisi Biden te na bisika azali liboso, Trumo akoki kokoma na baponi ya Collège électoral 268, pembeni ya elonga.
Na Pennsylvania, koleba million moko ya ba bulletins ya vote etindamaki na poste ezali nanu kotangama. Bayi campagne ya Biden balobi bazali kolonga na 78%. Bilembo bikobima ntango mosusu ata nsima na vendredi.