Mokonda ya mokano mwango mopekisi bilili ya nzembo mwambe miye mizwi ndingisa te ya kobetama to kolakisama na bato.
"Congo ebongi te ezala na Commission ya censure…. Nga nazali lolende ya kozala mwana ya Congo. Censure (Bopekisi) ba artistes (bato na ntoki) etiyamaki na bokonzi ya nkondo président Mobutu kasi lelo tozali na démocratie ," eyanoli Koffi Olomibe (Christophe Antoine Agbepa Mumba) na mituna ya AFP.
Commission ya Censure etindi mokanda na ba chaines ya télévision banso. Elobi ete Koffi Olomide ayanolaki te na ntango abengamaki.
"Bizaleli biye bilakisi bozangi botosi mpe ya bomoto ya mwana yamboka epayi na alanga nzembo oyo azongeli mbala mosusu makambo yango, " elobi mokanda ya Commission ya Censure.
Ngambo na ye, Koffi Olomide abwaki mbela na mokonzi mboka Félix Tshisekedi.
"Esengeli atala likambo yambo mpenza malamu. Bakonzi basusu balekisi ndelo. Peuple na biso asi akomeli, " elobi Koffi Olomide.
Ezali mbala ya yambo te nzembo ya Koffi Olomide epekisama.
Atiyamaki bambula bileki na boloko elongo na nkondo Pepe Kale na Nyoka Longo mpo na likambo yango.