Nzoto ya bato banei ezwamami kati na mboka Ofaye na Mafifi na Itrui, epayi wapi basimba minduki bamonani kozala ba ADF bamemaki bato koleka 80 na nzamba, elobi ba société civile na ba nzeneneke na VOA Lingala.
Mokambi ya mamabongisi ya makoki ma bomoto, Convention pour le repstect des droits l’homme (CRDH), Chrsitan Munyaderu alobi ba ADF batumbi mituka zomi na motoba (16) mizalaki na molongo to convoi ya bayi mombongo.
Banzeneneke (témoins) babiki na likambo lyango bayebisi VOA Lingala ete mituka myango mibatelamaki na basoda kolanda mikano bakambi ba mampinga batiaki mikolo mileki mpo na kozongisa bokengi na bisika biye.
Ba ADF batielaki bango motambo elobi banzeneneke na correspondant ya VOA Lingala.
Molobeli ya ba FARDC na Ituri, lieutenant Jules Ngongo andimi ete bitumba biye bisalamaki kasi alobi ete basoda batindami na esika yango.
Nzaka nde Ituri lokola Nord-Kivu, ezali na état de siège wuto sanza ya mitano.