Pene na bato 21.000 bakimi bitumba bingalaki wuto suka ya mars kati na Baluba na Bakuka na Bakwakenge, na Kasaï, elobi HCR (Haut commissaire ya ONU mpo na bakima bitumba.
"Basi na bana mingi nde bazali kati na bato baye bakimi baye wuto le 28 mars na ndelo na Angola," elobi na liyebisi Babat Baloch, molobeli ya HCR,
"Bakuba 13 bakufaki le 29 mars na bitumba ya machete mpe binduli ya lolenge wana na bitumba kati bakuba na baluba. Basusu mingi bazokaki mpe ndako 190 ezikisamaki," elakisi liyebisi lyango.
Kabila mibale eye ezalaka na matata wuto mibu mingi ata bakabolaka mabele bisika mingi.
Mokambi ya etuka ya Kasaï Me Pieme Tukutok ayebisaki VOA Lingala ete kimya ezangokaki mpo elongo na mokokani wa ye ya Kasaï central batindaki bayi bokengi mpe police.
Mobu moleki, bobomami mosusu bosamalaki mpe masolo mabetamaki mpo na kimya kasi maye masengami lokola kopesa bavandi misala esalama te kino sika.