Envoyé special ya Etats-Unis mpo na etuka ya Grands lacs, Peter Pham amemeli président Félix Tshisekedi bakambi ya General Electric, moko na ba sociétés multinationales ya Amerika elingi kotiya mosolo na RDC.
M. Pham na Tshisekedi bakutani mercredi 12 février na Palais de la Nation na Kinshasa, elongo na limpinga ya compagnie eye.
General Electric esala lotlliki ya lolenge mingi, ya moyi, mayi mpe misusu.
Motindami ya Etats-Unis azalaki na ambassadeur (ntoma) ya Amerika na RDC. Mike HAmmer. Akomaki na Kinshasa o’libandela ya mposo.
Asololaki mardi na Martin Fayulu ya lingomba Lamuka oyo apesaki ye mabongisi na ye mpo na kosilisa nkwokoso ya nsima ya maponami ya mokonzi ya mboka ya le 30 décembre 2018.
Akutanaki mpe na Premier ministre Ilunga Ilunkamba mpe na bayi ya société civile lokola bakambi ya bitonga biike.