Politiki

Président ya Conseil présidentiel ya Libye asololi na Sassou mpo kimya na mboka ya Kadhafi

Président ya Conseil présidentiel ya Libye, Mohammed El-Menfi (d) na masolo na président Denis Sassou N'Guesso na Brazzaville, Congo, 26 juillet 2021. (Twitter/Valentin Oko)

Président ya Conseil présidentiel ya Libye, Mohammed El-Menfi, asilisi mobembo mwa mikolo na Brazzaville epayi wapi azalaki na masolo na président Denis Sassou N’Guesso.

"Yambo na kotika Congo, président ya Conseil libyen, Mohammed El-Menfi, alendisamaki na mokonzi ya mboka ya Congo mpo etali botindami ya limpinga lya koluka koyeba malamu maye mazali koleka kuna mpe bobengisami mikolo mikoya ya likita ya bakonzi ba likolo," ekomi na Twitter mokambi ya ndako ya mosala ya président Sassou, Oko Valentin.

Mohammed El-Menfi akomaki na Brazzaville lundi mpe abandaki masolo na M. Sassou.

Union africaine epesa M. Sassou mpifo ya kokamba masolo ma Comité ya Haut niveau.

Libye ekota na mobulu wuto botomboki bosalama mpo na kokweyisa colonel Mohammed Kadhafi oyo batomboki babomaki le 20 ocotbre 2011.

Mboka ekambaka wuto ntango wana na mbulamatari mibale mpe bitumba bokobaka.

Conseil président ekambaka ngambo moko mpe maréchal Khalifa Haftar akambaka ngambo esusu.