Bosembo

RSF na JED bamitungisi na bokangami ya mopanzi sango Sosthène Kambidi

Mopanzi sango Sosthène Kambidi akangami mpo na vidéo ya bobomi ya ba experts ya ONU na Kasaï, photo ebimisaki na Facebook na Jed (Jouranluste en danger), le 24 septembre 2021.

Reporters sans frontiers (RSF) lokola mpe Journalsite en danger (JED) balobi bamitungisi mpo na mopanzi sango Sosthène Kambidi ya Actualité.cd oyo apesaka mpe sango na VOA Lingala, akangami wuto mikolo mitano na Kinhsasa, na misala mya sembo ya ba soda.

M. Kambidi azali koyanola mpo na video ya bobomi ya ba experts ya ONU Michael Sharp mpe Zaidan Catalan ntango ya bitumba bya Ba Kamwina Nsapu na Kasaï na 2017.

Atunamaki ndenge nini azwaki vidéo to bililingi ya bobomi ya ba experts ya ONU.

RSF na JED balobi na liyebisi ete bamitungisi na ndenge bokangami ya M. Kambidi bolekisi mikolo minei mpe ONU ezali kotala, ntango yango elobi ezali mpe bolukiluki yango.

ONU etindaki ba experts na yango kosala bolukiluki na bayi misala mya sembo bya RDC.

M. Kambidi azwamaki na butu ya mokolo mwa eyenga na mokolo mwa yambo na hôtel epayi azalaki nsima na kolanda mateya na ba journalistes ya ba radios partenaires ya VOA (Voice of America) na Kinshasa.

Azwamaki yambo bo’ moto akopesa sango (renseignant) kasi nsima akomi mofundami mpo na likambo lyango,