Politiki

Trump alongoli mokambi ya mampinga oyo alobaki maponami ma 2020 mazali malamu koleka

Mokambi ya misala ya bokengi ya Cybersecurité mpe Infrastructures (CISA) Christopher Krebs azali kolobela maponami ya Amerika na Arlington, Virginia, U.S., 3 mars 2020.

Président Donald Trump alongoli mokambi ya bokengi ya Maison Blanche oyo alobaki ete maponami ma mokonzi ya mboka ya 2020 mazali na bokengi koleka.

M. Trump asakoli mokano mwa y ana Twitter.

Esakoli Chris Krebs mpo na bokengi ya maponami ma 2020 mazalaki mpeza solo te, kati na na yango ezalaki na mbeba mingi mpe moyibi – lokola bawei baye baponaki, batali ba maponami bapesamaki te nzela nae sika ya maponami, nkwokoso na ba machines ya kopona eye ebongamai…, ekomi Donald Trump na Twitter na ye.

"Solo kaka ntango wana, Chris Krebs alongolamaki na ebonga ya mokambi ya Cybersecurity mpe infrastructure ya misala mya bokengi," ebakisi Trump.

Mokano mwango mosakolami pene na mposo mibale nsima na maponami ma mokonzi ya mboka maye mamonisi ete president Donald Trump alongi te.

M. Krebs ayanolai mpe na compte Twitter na ye.

"Ezalaki lokumu ya kosala. Tosalaki mosala ndenge esengelaki. Kobatela bokengi ya lelo mpe ya lobi lokoya, #Protect2020," eyanoli M. Krebs.