Ba officiers ya mampinga ya FARC bakondima bisika bikeseni na wapi bazalaki kosala kino lelo, yango nde moko na mikano ya mokonzi Félix Tshisekedi ya suka ya poso eleki.
Président Tshisekedi asali lisusu bokutani msosusu ya bakonzi ya mapinga lundi na Goma, na Nord-Kivu bisika wapi akomaki wuta samedi na mpokwa.
Mikano myango misakolamki na nsima ya bokutani ya bokengi ya mokolo ya mposo na Lubumbashi.
"Président ya république akani kosala permutation (kotindama bisika misusu) ya ba officiers mpe relève (botiami na bisika na bayike) masanga kati mampinga mpe police," elobi minister ya Fonction publique Michel Bongongo.
Kolanda liyebisi, M. Tshiskedi alingi abongola lolenge ya kobika ya basoda mpe ba policier mpe kobingisa ba grades na bango.