Politiki

Tshisekedi alobi alingi mokonzi ya kala avanda na kimya mpo ye mpe akokoma mokonzi ya kala

Président Félix Tshisekedi na bokutani na président ya Conseil européen Charls Michel, ministre wa yambo ya kala ya Belgique, na Bruxelles, Belgique, 30 septembre 2020. (Twitter/Charles Michel)

Président Félix Tshisekedi alobi ete alingi mokonzi ya kala Joseph Kabila avanda na kimya kati na mboka mpo ye mpe akokoma mokonzi ya kala. Asololaki yango na bapanzi sango baike na Belgique jeudi yambo na kosukisa mobembo asalaki na Belgique.

Président Félix Tshisekedi alobi ete bolekisami ya bokonzi ya kala na eye ya sika bosalami malamu.

"Ezali mbala ya liboso na mboka na biso. Nalingi ete mokonzi ya kala abika na kimya. Esengeli kozala na motema ya kondima bato banso. Lobi ekokoma mpe ngala na nga ya kozala bo’ mokonzi ya kala," elobi président Tshisekedi.

Mokonzi ya RDC alongwaki Bruxelles jeudi nsima na pene na mposo moko ya mobembo na ekolo eye.

M. Tshisekedi alobi ete ekozala ntina te ya kobengana ntoma ya Rwanda na mboka lokola baike bazali kosenga.

Alobi masolo masalamaki mpo ete ntoma ya Rwanda na Kinshasa, Vincent Karega, abendama matoyi.

Mpo etali botamboli ya linaka lya ye, alobi ete alakisi nzela elamu kasi baye bazali kotiele ye mabaku bakokweyisama bango moko na mutambu.

Mpo bakobwakama na lifolo na ngonga eye ye akokende epongelo to purgatoire.

Alobi bazuzi batie mosala na mbako na nkwokoso mpo baboyi kondima libango batiamaki.