Molobeli ya president Félix Tshisekedi alobi ete mokonzi ya Ekolo Congo démocratique azwi lipaso na motema te lokola elobami na media en ligne Libre Afrique ya Belgique.
Kasongo Mwema Yamba Yamba, molobeli ya mokonzi ya RDC, andimi na compte Twitter na ye ete président Tshisekedi azali na Bruxelles, engumba mokonzi ya Belgique, kasi mpo na mobembo ya makambo ma ye moko.
"Te. PR (Président) azwi lipaso te," ekomi na Kasongo Mwema Yamba Yamba na compte Twitter na ye.
Kasi Libre Afrique etangi moko na bayi présidence mpe ekomi moyi présidence yango alobi lipaso lileki malamu kasi esengelaki kozela ndingisa ya minganga mpo na kopesa sango.
Mpo moyi présidence yango mokonzi ya RDC akotikala na lopitalo mwa mikolo mpe nsima akokende na Dubaï mpo na kopema mposo moko. Bayi libota mpe bawangani sango yango na media ya Kinshasa.