Président Félix Tshisekedi akitaki na Kinshasa na bisika ba gbagba bibengami na nkombo sauts-de-moutons biazali kotongama.
Mokambi ya misala na ye to directeur ya cabinet na ye, Vital Kamerhe ayebisi na bapanzi sango ete mwana mboka Felix Tshisekedi alingaki amona na miso ndenge misala mizalai kotambola mpo makambo ebele mazali koloba.
Misala mango mibandaki sanza mitano mileki ntango na bobandi ya mikolo nkama ya bokonzi ya Felix Tshisekedi.
Ba ingénieurs balaki na bisika bike ete misala mikoki kosila na sanza ya libwa to ya zomi na mibale, eyebisi présidence.
Kasi na bisika bisusu esengeli kozela mpo ete bisaleli bikowuta na France.
Nzokande batongi bayebisi M. Tshisekedi ete na tuyeaux ya Régideso na basinga ya lotiliki bizali kopesa mwa nkwokoso.