Politiki

UDPS/Tshisekedi epekisi ba députés na yango kopesa nkombo na esika ya Kabund

Balandi ya UDPS na balabala na Kinshasa, 12 juin 2006.

UDPS/Tshisekedi, lingomba ya mokonzi ya mboka Félix Tshisekedi, epekisi ba députés na yango kopesa nkombo mpo na kozwa esika ya Jean-Marc Kabund oyo akweyisamaki lundi na ebonga ya 1er vice-président ya Assemblée nationale.

UDPS/Tshisekedi ekati wuta lelo ete ezali na litomba te kopona moko na ba députés nationaux baponama na liste na yango mpo kotia ye na esika ya honorable Jean-Marc Kabund-a-Kabund na ebonga ya 1er vice-président ya Assemblée national, esakoli UDPS/Tshisekedi na mikano mizwami jeudi nsima na likita ya lingomba liye na Limete, na Kinshasa.

Na mikano myango mitiami manzaka na secrétaire général Augustin Kabuya, UDPS/Tshisekedi ekebisi député national nionso oyo akotosa te.

Député national aponama na liste (ya UDPS/Tshisekedi) oyo akotosa te tokotala ye lokola amolingoli ye moko na parti mpe, na yango, akozwa etumbu kolanda mikano mya Buku likonzi ya ekolo, ba statuts mpe mibeko ya parti, elakisi mokanda ya UDPS/Tshisekedi.

UDPS/Tshisekedi elobi, na mokanda mwango, ete na boyokani CACH-FCC, wuto libandela, ngambo mosusu etumolaka yango mpe etelemelaka yango.

UDPS/Tshisekedi elobi ba Assemblée nationale esalaki nko mpo na kolongola M. Kabund mpe esengi ye kokende na ba zuzi mpo na yango.

M. Kabund akweyisamaki na ebonga ya 1er vice-président ya Assemblée nationale