Mwana ya Yoweri Museveni mokonzi ya Uganda, Muhoozi Kainerugaba, asakoli ete akotinda basoda ba ekolo na ye kobunda mpo na Moscou soki ba “impérialistes” to baye balukaka kokonza mokili na makasi basali yango bitumba.
“Bobenga nga ‘putiste’ (to moto ya Putin) soki bolingi, biso Uganda, tokotinda basoda ba biso kobundela Moscou soki basali yango bitumba na ba impérialsites,” ekomi Muhozi Kainerugaba na compte Twitter na ye.
“Bayi ngambo ya West bazali kolekisa ntango na bango na propagande ezanga ntina bazali kosala mpo na Ukraine,” ebakisi mwana ya president Museveni.
Na mibu ntuku minei na mwambe, Muhoozi Kainerugaba apameli mpe mabala kati na mibali na mibali to ya basi na basi maye Biblia epekisa mpo "ezali mambi ma Satana," koanda makomi ma ye Muhoozi Kainerugaba.
Abakisi ete Uganda eboya libala lya lolenge lona mpe moto moko te akokoka kozongisa yango nsim mpo “moto moko te azali monene koleka Yesu na mokili”.
Muhoozi Kainerugaba apemeli mpe Amerika kopekisa ye kosala mobembo kuna.
“Soki nakanisi Amerika, Etats-Unis, namonaka te nguya na yango ya mampinga ya makasi. Te, nakanisaka na basi-bakonzi banso ya bonzenga ya bayindo,, baye bapekisama komona mokonzi ya mobali… Ngai! Ezali botamboli likolo lya makoki ma basi baye!,” ebakisi Muhozi Kainerugaba.
Etats-Unis epesaka etumbu na boko na bakambi ba boknegi ya Uganda.
Muhoozi Kainerugaba azalaka kala général mpe mokonzi ya mampinga ma Uganda kasi alongalamaki nsima na kokoma maloba ma kokebisa kosala bitumba na Kenya.
Muhoozi Kainerugaba asakolaki été akowelela ebonga ya mokonzi ya mboka na maponami makoya na 2026.
Le 18 ya sanza ya zomi ya 2022, président Yoweri Museveni alobaki ete mwana na ye moko ya mobali oyo akokomaka lisusu te na Twitter na maye matali bikolo bya bapaya.
Ezalaki nsima na Muhoozi Kainerugaba kokebisa kotinda basoda na kozwa Kenya na matata moke ezalaki.
Na kopesaka maboko na president Putin, Muhozi Kaineragaba asakoli mpe bokeli bwa chaine ya television na bilembo bya nkombo na ye "MK".
