Mbulamatari ya Etats-Unis ebwaki mbela na bakonzi ba Ekolo Congo démocratique mpe bakambi ba misala mya maponami mpo ete babongisama makambo maye makoki kopekisa bato baike kozala na maponami.
Na mokanda ya départment Ambassade ya Amerika na Kinshasa ebimisaki mokolo mwa misato 30 ya sanza ya mwambe 2023, Washington ekundoli makoki maye malakisaka démocratie lokola bobateli ya makoki ma loboko ma bato: makoki ma bonsomi ya kosanga mpe makoki ma bato bakotambola bisika balingi na bonsomi bonso.
“Tomoni na mpasi na motema nsango ya monyokoli bato baike ba politiki na nzoto, mitungisi mwa bayi mangomba songolo, misala mya sembo mitindami na pilitikim npe bokangi bato mpamba mpamba boye bokoki kopekisa bato baike bakowelela mabonga na maponami mpe kolongola bondimi bwa bayi mboka na makoki ma mbulamatari ya kosala ete maponami mazala ma bonsomi, ma sembo mpe na kimya,” ekomi département d’Etat.
Wasington esengi Kinshasa kosalela makoki manso masengeli mpo na kopesa bato banso lolenge ya kokoka na banso mpe ma ponami mpe mambi ma sembo na makoki na ndembo ya kolanda mpenza mibeko mpo na banso.
Epameli mpe botamboli likolo lya makoki mabomoto, ya makoki ya kozwa maloba mpe bonsomi ya bosangani ya bayi opposition.
Lokola mpe, bosukisa ya monyokoli ya basi mpe botiami pembeni na bango.
Forum