Mokonzi ya kala ya Gabo, Ali Bongo Ondimba azali komipima bileyi mpo kopamela bokangami bwa ye na makasi na ndako wuta bakonzi ya basoda babotola bokonzi na kokweyisaka na ebonga o’mokolo mwa 30 ya sanza ya mwambe ya 2023, esakoli basambeli baye.
Ba avocats ba ye, François Zimeray na Catalina de la Soda balobi ete bafundi na bazuzi ba ekolo France mpo ete basalaka bolukiluki na likambo liye, kolanda AFP.
Bofundami boye bosalami ntango mokonzi ya soda oyo azali kokamba sika Gabon nsima na kobotola bokonzi, général Brice Oligui Nguema asengeli kosala mobembo na Paris mikolo mikoya.
“Bokangami na bobuki mibeko, botiami maboko boye bokomisami makasi na nzela ya monyokoli mpe boyawuli bosalameli Ali Bongo Ondimba, Sylvia Bongo mpe bana ba bango Noureddin, Jalil and Bilal,” elobi basambeli.
Ba avocats bafundi ete “Noureddin Bongo anyokolamaki mbala mingi na kobetama na ebotu, bibende, fimbu mpe na kotiyama lotiliki”.
“Sylvia Bongo oyo atindamaki na makasi kotala monyokoli yango… abetamaki mpe lokola mpe efinamaki na nkingo na bobotoli biloko binso ya libota,” ebakisi basambeli.
Mokonzi ya kala Gabon na bana ba ye Jalili mpe Bilal bamipekisi koliya mpo na kopamela monyokoli moye.
Forum