Ba Léopards ba RDC bapoli na match ya suka ya groupe H ya ba éliminatoires ya CAN 2025 1-2 liboso lya Walya ya Ethiope, mokolo mwa mosala mibale na stade des Martyrs na Kinshasa.
Na elonga eye, ba Walya ya Ethiopie baye bazali na mokila na groupe H, bakomi sika na bilembo minei kasi molongo mwa bango mobongwani te.
Ekomi match mibale elandami eye basani ba moyi ekolo France Sébastien Desabre bapoli kaka na mikolo misato.
"Ezali libaku lya komeka basani basusu basik mpo na koyeba nani akozala na Maroc mpo bisika bizali moke mpe basani basengeli kolakisi mosala mwa bango mpo na kozwa esika yango," elobai M. Desabre yambo na match na ba Walya.
Bapolaki mpe 0-1 mokolo mwa mposo moleki na Abidjan (Côte d'Ivoire) liboso lya ba Sily ya Guinée.
Ata bapoli matches mibale eye ya suka, ba Léopards bakokende kaka na CAN 2025 na Maroc mpo basi bazwaki tcket na bango yambo na yango, wuto liboso lya kopola mokolo mwa mposo moleki na Abidjan (Côte d'Ivoire) liboso lya Guinée mpe o'mokolo mwa mosala mibale liboso lya Ethiopie.
Ba Léopards batikali yambo na groupe H na 12 pts. Balandami na Tanzanie eye ekomi na 10 pts mpe eleki nsima na kopolisa Guinée 1-0 kaka mokolo mwa mosala mibale na Dar-Es-Salama.
Balandami na Guinée na 9 pts mpe na Ethiopie na 4 pts.
Forum