Jean-Pierre Bemba, vice-Premier ministre mpe ministre ya mambi ma Transport ya Ekolo Congo Démocratique alobi azali mpo ete ba articles nzike ya Buku likonzi kasi aboyi bokelami ya sika.
M. Bemba oyo azali mpe mokambi ya lingomba lya politiki MLC (Mouvement de libération du Congo) apesaki biyano na bapanzi nsango baike na Kinshasa na linaka litiyamaki na compte ya YouTube ya Top Congo FM.
“Nayebi te soki bato bazali kobanga nini solo, na komeka kongola moke Buku likonzi,” alobaki M. Bemba.
Na motuna ya Christian Lusakweno ya Top Congo FM soki ezali révision (kobongola mwa moke) to changement ya Constitution to bokeli ya Buku likonzi ya sika, M. Bemba apesi eyano ya siki siki.
“Sika na ngonga eye , tozali kolobela révision. Nani alobi changement ya Constitution? Tozali kolebela kobongola makambo make, » elobaki M. Bemba.
Ntango M. Lusakweno abakisi ezali auzali Augustin Kabuya kalaka mokonzi ya kala ya UDPS, M. Bemba alimboli « bokotuna ye motuna ».
"Maye mapesami nzela na Buku likonzi, mazali nde kobongola makambo maike," abetaki sete M. Bemba.
Mpo na ministre ya Transport, ba articles nzike esengeli kobongolama lokola article 10 na misusu.
M. Bemba asengi nde bato kozela mokonzi ya mboka abengisa ba nganga ya mayele mpo likambo lyango likola alakaka.
Alobi ete lingomba na ye mpe ekotinda makanisi ma yango na likita lyango.
Apesi mpe makanisi ya kopona bayangeli ya bitumba baponama na bato banso kasi na ba Sénateurs te.
M. Bemba alobi asololaka na mokonzi ya ekolo Félix Tshisekedi mpe akanisi ete mokambi ya mboka azali na makambo ya koluka kotikala na bokonzi.
Forum