Bayi molongo batomboli mongongo na bobomi bwa bato koleka 14 na bonyatami na motuka na New Orleans, awa na Etats-Unis, kasi FBI esakoli ete ezali kokoba bolukiluki mpo na soda ya kala ya ekolo Amerika oyo abomamaki mpe nsima na kobama bato bango.
Soda yango Shamsud-Din Jabbar alakisaki bilembo bya kolanda lingomba Etat Islamique.
Azalaki na bendele ya lingomba ya Etat islamique na nsima ya matuka eye azwaki mpo na mwa ntango mpe atondisaki na ba mbombe ekelama na maboko mpe manduki ya makasi.
Na mibu ntuku minei na mibale, Shamsud-Din Jabbar abotamaki na ekolo Amerika.
Asalaka bitumba na Afghnaistan kino 2020 yambo atika mampinga.
O’mokolo mwa mobu mwa sika na ngonga ya misato, ayebaki koleka na mopanzi mituka mya pulusu miye mikangaki nzela mpe atambolaki na lombango mingi kati na bituluka bya bato mpe atukaki bango ntango bazalaki kosepela mobu mwa sika.
Azalaki mpe kobeta masasi.
Saoda ya kala yango apesaki ye moko nsango na ba réseaux sociaux été azwaki makanisi ma ye na lingomba Etat Islamique, elobi President Joe Biden.
Makombi ya ekolo Amerika alobi mpe ete bakonzi bazali koluka koyeba soki bobomi boye bozali na bosangani na bopanzani na moto (explosion) ya motuka Tesla Cybertruck boye bosalamaki kaka mokolo mwango liboso lya hotel Trump na Las Vegas epayi moto moko oyo azalaki na kati akufaki.
Motuka cyber Truck yango mpe ezwamaki kaka mpo na mwa ntango na esika to site internet epayi motuka mosalelamaki mpo na koboma bato na Nouvelle Orleans mozwamaki mpe lokola.
Bayi mololongo bapameli bobomi bwango. Papa francois, Emmanuel Macron mokonzi ya France, Ministre wa Yambo ya Grande Bretagne Keir Starmer, Kalaka mokonzi ya ONU balobi boyoki mpasi na motema.
Forum