Joe Biden alaki ete etumbu ekopesama na baye basali cyberattaque na Etats-Unis.
"Tokoki te kozangisa kopesa eyano (na bitumba biye)," elobi M. Biden.
Ba agences ya mbulamatari mingi ezali attaquées to ebundisami na ba cybercriminels mikolo miye.
M. Biden alobi mikano mya makasi misengeli kozwama likolo na baye basali likambo lyango.
Bitumba biye bisalami ntango ya bokambami ya Donald Trump, elobi M. Biden.
Mbulamatari ya Etats-Unis ekabwani mpo na likambo lyango.
M. Trump alobi esengeli kolandela Chine, kasi bayike bakanisi ete ewuti nde na Russie.
