Conseil d'Etat ekoti kinzonzi na bosambisi ya Kabund na Mabunda mpo na ebonga ya 1er v-p ya Ass. Nat.

Ekateli ya Conseil d'Etat ekopesama na 48 heures.

Bosambisami bwa Jean-Marc Kabund na Jeanine Mabunda, mokambi ya Assemblée nationale mobandaki lelo mercredi na Conseil d’Etat na Kinshasa.

Basambeli ya Jeanine Mabunda basengaki na bazuzi mwa ntango mpo kotanga mikanda.

Jean-Marc Kabund, président intérimaire ya UDPS afundaki Jeanine Mabunda mpo na bolongalami na ye na pétition ya Jean-Jacques Mamba ya MLC mpe mpo na linaka lya maponami ma moto mosusu na ebonga ya 1^er vice-président ya Assemblée nationale.

Bosambisami bwango bobandi ntango comité ya maponami esi endimaki nkombo ya Patricia Nseya UDPS epesaki lundi mpo na maponami makosalama le 12 juin.

M. Kabund azali kosenga maponami mango matelamisama nanu.