Conseil d’Etat eyanoli na bosenga ya moko na bato basusu bapesaki mpe nkombo na maponami mango, Dieudonné Kasembo.
Mpo na Dieudonné Kasembo, likita linene lya FEC liboyaki kotala nkombo na ye na kozanga sembo.
M. Yuma oyo aponamaka na ebonga ya mokambi ya FEC wuto 2005, alongaki lisusu maponami ma jeudi na boponi bwa bato 90 banso bazali na maponami mango.
Longola M. Yuma, M. Kasembo mpe moto mosusu bapesaki nkombo kasi yango endimamaki te.
M. Yuma azali mpe mokambi ya Conseil ya administration ya Gécamines.
