Bakambi ya masanga mazali kati na FCC (Front commun pour le Congo) ya mokonzi ya kala Joseph Kabila, bakutanaki mercredi na Kinshasa nsima botamboli basalaki mposo moleki na ekolo mobimba.
FCC elaki kozala na mabongisi mpe masolo manso mazali kosalama mpo na mbongwana ya misala ya maponami, elobi bakambi na yango nsima na bokutani ya le
"FCC… ekopesa te maboko na misala manso mizongisami nsima maponami masengeli masalama na 2023," elakisi liyebisi ya FCC.
Bakeli mibeko baike zomi na mibale ya mango mingi bazalai kokutana na ngambo inso ya politiki mpe ya société civile mpo na koluka bomoko na makanisi ma mbongwana na misala mya maponami.
Mpo na bakambi ya FCC, "mabongisami mpe masolo manso maye masengeli kosalama na kati ya ba institutions, kolanda Buku Likonzi mpe mibeko mya ekolo".
CACH, lingomba linene lya président Félix Tshisekedi, lokola mpe Lamuka mpe baike na société civile baboyaki bondimami ya Ronsard Malaonda na Assemblée nationale nsima na boponami bwa ye na baike na bakambi ya biyamba.
FCC nde ezali na motango ya bakeli mibeko koleka na Assemblée nationale.
