"Attaque yango etiki bakufi 58 mpe bato 36 bazoki," elobi liyebisi litindami na molobeli molandi ya M. Guterres, Farhan Haq.
"Monusco (Etinda ya ONU na RDC) etindaki basoda ba yango na esika yango mpe ebetanaki masasi na babundi baye. Monusco esalaki mosala mwango elongo na FARDC (Mampinga ma RDC) na ntongo ya le 2 février, na kobengaka babundi na esika yango mpe kobatelaka yango na ba attaques misusu ekoki koya nsima," ebakisi molobeli ya M. Guterres.
Na liyebisi lyango, M. Guterres asengi na mbulamatari kosala bolukuluki mpe komema na bazuzi baye bazali na mokumaba na yango.
