"Motango kino sik'oyo mozali ete bato mitano nde bawei, libwa bazoki mpe biloko ebele ya motuya bimemamaki," elobi mokambi ya territoire ya Djugu, Adel Alingi na AFP.
M. Alingi ayebisi ete basali bitumba bayaki na bambeli mpe minduki.
Basali bitumba yango bayebani naino te soki bazali banani kasi bayike bakanisi ete ezali baye ya lingomba libengami Codeco.
Na sanza ya motoba, bato koleka 150 babomamaki na bitumba kati na ba milices (mangomba masimba mindu).
