Kolanda bililingi ya bayi police, moto yango andimi ete ye nde abomaka bato bakendaka kosambela na mwa zamba ezalaka na ngomba ya CNPP (Centre neuro-psycho-pathologie).
"Naboma bato motoba kati na bango mibali mitano mpe basi babale. Nazwaki eyano (mitindo) ya Nzambe," elobi Emmanuel Kosi Kiyandi ya mibu 31.
Police ekuti na esika yango nzoto ya bato mingi ekundama malamu te.
Avocat moko azalaki wana atatoli na VOA Lingala ete moto yango akangamaki mposo moleki.
"Asalaka lokola azali na liboma kasi azali moto malamu. Akata nzoko ya mibali to ya basi na bibembe nyonso emonani kuna," elobi avocat yango.
Elenge mwasi moko mpe mosali moko ya CNPP bakimaki ntango alingaki koboma bango nde bafundaki ye na police.
Police azali kokoba kolukaluka.
